أدلى الكابتن حسام حسن، المدير الفني لمنتخب مصر، بتصريحات مؤثرة لوسائل الإعلام، أعرب فيها عن تضامنه الإنساني العميق مع الأشقاء في فلسطين وجاء نصها كالتالي:
نص التصريح الصحفي:
”أي شخص، أي فرد في العالم ما حسش بالشعب الفلسطيني فما يبقاش بني آدم، ما يبقاش بني آدم، أياً كان بقى.”
”إذا كان شخص عربي، أو أوروبي، أو أمريكي، أو أي حاجة، إحنا.. إحنا في حالة.. إحنا دايماً حتى الشعوب في أوروبا”
”وفي العالم وفي أمريكا، لو في حيوان حد قسى عليه أو آذاه، بيطلع حقوق الإنسان وحقوق الحيوان وحقوق الدنيا كلها.”
”لكن أنت لما كل يوم يطلع بني آدمين بالآلاف يتقتلوا وأطفال وستات، ولما نكون حضرتك إحنا قاعدين في تكييف وقاعدين”
”في قصور وقاعدين في شقق وعاملين الأكل قدامنا، وأطفال وشعوب قاعدة في خيم في الشتا وفي الصيف والشمس، إحنا”
”لما نكون الشمس عندنا الدنيا حر بنبقى عايزين تكييف وعايزين مية، ولما تكون الدنيا شتا عايزين البيت مقفول وددفايات”
”وغطا، الشعب الفلسطيني قاعد في العراء، يعني أطفال ما بيصعبش علينا الأطفال اللي إحنا بنشوفهم مش لاقيين يأكلوا؟ اللي”
”هما في المرض والأوبئة اللي ممكن من قلة الأكل ومن قلة النوم ومن قلة العيشة؟ فأنا لو ما حسيتش”
”كبني آدم يبقى أنا ماليش لازمة إن أنا أعيش، أو أي بني آدم على وجه الأرض ما حسش باللي”
”بيحصل في فلسطين بغض النظر عن هو مسلم، مسيحي، يهودي، يبقى مش بني آدم ما ينفعش يعيش، وإذا أصرينا”
”إن إحنا نغمض عينينا واخد.. ناخد قرار، واللي في إيد الناس اللي في إيدها القرار تحط نفسيها وتحط ولادها”
”إن هما يقعدوا يوم واحد بس حتى، يقعدوا في الشارع في الشمس وفي المطر وفي الساقعة يقعدوا بس يجربوا..”
”يجربوا هيعيشوا إزاي؟ يعني إحنا لما بيحصل سيول هنا في الجو ولا بتاع الناس كلها بتتدارى وتجري، لكن السيول”
”بتحصل في غزة وبتحصل في فلسطين والناس مش لاقية حاجة تتدارى فيها ولا حد المطر ولا.. لغاية ما”
”الشمس تروح، فأنا بقول عار علينا كلنا، عار على العالم كله مش الوطن العربي بس وأفريقيا، لا عار علينا”
”كلنا، وعار على أصحاب القرار اللي سايبين بني آدمين زينا زيهم.. إحنا في الآخر إيه؟ إحنا كلنا زي بعض،”
”لينا عينين ووش ورأس وجسم، يعني الناس دي عادي جداً النهاردة في 1000، 2000، 3000، 4000 ضربوا في صاروخ”
”عادي ماتوا؟ وإحنا هنا، الشعوب كلها بما فيهم أوروبا وأمريكا بنبص على حاجة تانية، باحتمال ممكن يكون الناس باص..”
”بيورولهم صورة تانية خالص، بغض النظر عن الأديان، إحنا بنتكلم لما بتتعاملوا مع الحيوانات، لما الحيوان بيتأذى لو في”
”فيديو جه مثلاً حد أذى واحد.. حيوان في الشارع، كلنا هنـ.. هيخش لازم يتسجن لازم يتحاكم، طب اللي بيـ..”
”بيقتل الناس؟ طب الصاروخ اللي بينزل دا يقتل ناس؟ بغض النظر عن الديانات.. بغض النظر عن الديانات، أنا مش”
”بتكلم على إسلام ولا مسيحية ولا يهود، أنا شعوري اللي طلع دا طلع من نفسي كدا لاني بني آدم،”
”إنسان زي الناس اللي بتموت.. زي البني آدمين اللي بتموت، أنا إنسان قبل ما أكون ليا هوية، أو عربي”
”ولا أجنبي ولا أياً كان.. شكراً.”