كشفت التحقيقات في واقعة مقتل سيدة داخل مسكنها بمنطقة بولاق الدكرور بالجيزة، والمعروفة إعلاميًا بـ جريمة النقاب، أن المجني عليها خالة المتهم الأول والعقل المدبر للواقعة، وانهى حياتها هو وصديقة لسرقة منزلها، ودبر لهذه الجريمة بارتداء نقاب نسائي كي لا تكشف هويتهم.
القصة الكاملة لانهاء شخصين حياة سيدة ببولاق
وقال المتهم امام جهات التحقيق، انا كنت مستلف فلوس من زوج خالتي”المجني عليها” وكان في ناس تاني مستلف منهم فلوس.
واضاف المتهم: مكنتش ملاحق على الطلبات ولا على سداد فلوس الناس اللي مستلف منهم، ومنهم زوج خالتي كان ليه 110 الف، ورغم اني كنت بحبها وكانت طيبه معايا بس كنت مكسوف اروح عندها علشان الفلوس دي.
واكمل المتهم انه كان يعمل موزع مواد غذائية، لكن في شركة بطلت تديله بضاعة علشان بيتأخر في السداد، فاتكلم مع المتهم التاني علشان هو قريبه وصاحبه، وهما الاتنين ظروفهم وحشة.
واردف المتهم، انا اقترحت على شريكي اننا نسرق، علشان مفيش حل تاني، وقولتله هنسرق خالتي علشان ظروفها كويسة، وهناخد جزء من اللي معاها نفك بيه زنقتنا وهي مش هتتضر.
وأكمل انهم حطوا خطة للسرقة، وانا عارف انه علشان ندخل العمارة لازم يكون معانا مفتاح وكمان نختار وقت محدش يكون في البيت غير خالتي، وكان لازم نلبس حاجه تداري وشنا علشان متعرفناش لو شافتنا.
وروحت لخالتي قبلها بيوم واخدت مفتاح العمارة وعرفت الذهب والفلوس فين، واخترنا يوم محدش بيبقى في البيت غير خالتي، واخترنا الوقت بعد 10 الصبح علشان هي تكون رجعت لانها بتنزل تجيب خضار قبل الوقت ده.
واتفقنا اننا اتنين واحد هيسيطر عليها والتاني يسرق الحاجة وننزل على طول، وهي مش هتعرفنا علشان النقاب والهدوم الحريمي اللي هنكون لابسينها.
ولما روحتلها في اليوم اللي قبل تنفيذ العملية فضلت اخوفها واقولها شوفتي يا خالتي الدنيا مبقاش فيها أمان، الناس الأيام دي بتدخل الشقق وبتسرق اللي فيها، فأنتِ لو حد جه أوعي تقاوميه لأحسن يعمل فيكِ حاجة”، فقالت لي: “بس ياخدوا اللي عايزينه ويغوروا في داهية”، فأنا ضحكت معاها ومشيت وقلت لها هبقى أجيلك بكرة أفطر معاكي.
وحددنا معاد التنفيذ كان يوم الأحد، وكلمتها وسلمت عليها وقلت لها مين موجود عندك في البيت عشان جاي أفطر معاكي، فقالت لي مفيش غير أنا وإسراء، فقلت لها أمال عم عصمت ومحمد فين؟ فقالت لي نزلوا شغلهم، فقلت لها خلاص شوية وهجيلك. وطبعًا أنا عملت كده عشان أعرف مين اللي موجود وأعمل حسابي.
لما أنا عرفت إن إسراء موجودة، فكده هيبقوا اتنين ومش هتنفع الخطة الأولى، وساعتها عدلنا
شوية فيها، وغيرنا الخطة ساعتها وقولنا هنجيب بلاستر طبي وحبال بلاستيك عشان نقدر
نكتفهم، ونحط البلاستر على عينهم وعلى بوقهم عشان ما يشوفوناش وما يصوتوش، ونقدر
نسرق الذهب والفلوس ونمشي، وبالفعل جبنا الحاجات دي.
خبطنا على الباب وفتحتلنا اسراء بنت خالتي، وشريكي كان في الوش قالها إحنا جيرانكم اللي
بنوضب فوق، وراح زاقها وداخل على طول وأنا دخلت وراه وقفلت باب الشقة.
البنت صوتت وقالت يا ماما الحقيني وساعتها أنا شوفت خالتي بتخرج من الحمام وبتقول في إيه
على الصوت.
فراج مسك إسراء وكتم بوقها عشان متصوتش وأنا جريت على خالتي ووقعتها على الأرض ونزلت
فوقيها فكانت بتحاول تقاوم وتصوت فروحت حاطط إيدي على وشها كلها وبايدي الثاني كنت
ماسك إيديها.
البنت خافت وسكتت، وشريكي حط لزق على عنيها وبوقها بعد ما شاورتله، ودخلها الاوضة
علشان متعملش حاجه، وخالتي كانت عمالة تقاوم فيا وتحاول تزوقني وتصوت وأنا كنت بحاول
أكتم بوقها عشان متصوتش بس كنت كاتم وشها كله وساعتها إسراء قالتلنا حرام عليكو ماما
تعبانة سيبوها هتموت كدة.
حطيت كف إيدي على وشها كلها تقريبا يعني كنت مداري مناخيرها وبوقها وعينيها، كنت ضاغط
جامد عشان كانت بتقاوم، فضلت كدة حوالي 5 أو 7 دقائق مثلا، أنا كنت عايزها تسكت لأنها
كانت بتقاوم وكنت هتفضح بس مكنتش عايزها تموت.
جه شريكي قعد مكاني، وانا دخلت اوضتها جوة وخدت الدهب من على التسريحة وفتشت في
الدولاب وفي أدراج الأوضة ولقيت 10 آلاف جنيه في درج التسريحة فخدتهم وحطيت الحاجة في
كيس بلاستيك أسود وأنا خارج لقيت فراج شريكي مقلع خالتي غوايشها، وكان لازق لزق طبي
على وشها من أول عينيها لحد بوقها.
فراج قلي دي أغمى عليها فروحت قولتله طب وروحت شديت السلسلة من رقبتها وبعد كدة
خرجنا جري وكلمنا سواق التوك توك وجيه وخدنا.
واخدت الدهب وخليته معايا، وروحنا رمينا الهدوم في منطقة الرشاح، وإديت فراج 2800 جنيه
وخدت أنا باقي الفلوس والدهب.
وبعد حوالي نص ساعة جالي خبر من أهلي إن خالتي فعلا ماتت وحكولي الواقعة اللي حصلت،
وتابعت معاهم من بعيد لبعيد عشان أطّمن لحد ما البوليس قبض عليا.
وقررت جهات التحقيق، إحالة المتهمين إلى محكمة الجنايات.